Der Spiegel: უკრაინის წინააღმდეგ იბრძვის რუსეთის სულ მცირე ორი ნეონაცისტური დაჯგუფებაც

უკრაინის წინააღმდეგ ომში ჩართულია რუსი ულტრამემარჯვენეების და ნეონაცისტების სულ მცირე ორი დაჯგუგება. ამის შესახებ გერმანიის დაზვერვის სამსახურის კონფიდენციალურ მოხსენებაზე დაყრდნობით წერს გამოცემა Der Spiegel-ი. დოკუმენტში დასახელებულია ორი ასეთი ჯგუფი - „რუსეთის იმპერიული მოძრაობის“ გასამხედროებული ქვედანაყოფი „იმპერიის ლეგიონი“ და დაჯგუფება „რუსიჩი“. რამდენი პირი იბრძვის ამ დაჯგუფებებიდან უკრაინის არმიის წინააღმდეგ, მითითებული არ არის. „იმპერიის ლეგიონი“ უკრაინის დონბასის მხარეში საბრძოლო მოქმედებებში მონაწილეობდა 2014-2015 წლებშიც.