ლატვიამ ცნო სომეხთა გენოციდი
ლატვიამ გენოციდად ცნო პირველი მსოფლიო ომისას ოსმალეთის იმპერიის მიერ სომხების მასობრივი ხოცვა-ჟლეტა, რამაც თურქეთის ბრაზი გამოიწვია.
ბალტიის სახელმწიფოს პარლამენტმა 6 მაისს მიიღო რეზოლუცია, რომელიც გმობს და ცნობს ამ ტრაგედიას და რომელსაც 100 კანონმდებლიდან 58-მა დაუჭირა მხარი.
თურქეთის საგარეო საქმეთა სამინისტრომ ამ განცხადებას "პოლიტიკური მიზნებისთვის ისტორიის გადაწერის ნულის ტოლი და ფუჭი მცდელობა" უწოდა. დაახლოებით 30 ქვეყნის მთავრობებმა და პარლამენტებმა ოფიციალურად აღიარეს სომეხთა გენოციდი.
Заголовки