„არ გამოვრიცხავ, ჩემს პოტენციურ მკვლელს ჩავხედე თვალებში" - გაბუნიას საქმის განხილვა გაიმართა

„მთავარი არხის" ჟურნალისტის გიორგი გაბუნიას საქმეზე არსებითი განხილვა გაიმართა თბილისის საქალაქო სასამართლოში. პროკურორმა მაია სილაგაძემ პროცესის შემდეგ თქვა, რომ გიორგი გაბუნიამ სასამართლოს მიაწოდა ინფორმაცია იმ ზიანთან დაკავშირებით, რაც მას მიადგა ბრალდებულის უკანონო თვალთვალის და მისი პირადი ინფორმაციის მოპოვების შედეგად. როგორც ბრალმდებელი აღნიშნავს, „მთავარი არხის" გენერალურმა დირექტორმა ნიკა გვარამიამ და დაცვის წევრებმა სასამართლოს მიაწოდეს დეტალური ინფორმაცია, რაც მნიშვნელოვან მტკიცებულებას წარმოადგენს ბრალდების მხარისთვის.