ნამახვანის ჰესის მშენებელი კომპანია: კომპანიის წინააღმდეგ სპეკულაციები ვრცელდება

წყალტუბოს რაიონის სოფელ ჟონეთში, ნამახვანის ჰესის მშენებლობის წინააღმდეგ მიმდინარე საპროტესტო აქციებს, რომელიც უკვე ერთი თვეა გრძელდება, ნამახვანის ჰესების კასკადის პროექტის განმახორციელებელი კომპანია „ენკა რინიუებლზი“ ეხმაურება და საგანგებო განცხადებას ავრცელებს. კომპანია მიზანმიმართულ დეზინფორმაციას უწოდებს განცხადებებს, რომლებიც კომპანია „ენკასთან“ დაკავშირებით ვრცელდება: „ენკას“ არანაირი ტექნიკური თუ კომერციული ურთიერთობა არ გააჩნია შუახევი ჰესის პროექტთან. „ენკა“ აჭარაში აშენებული ამ ჰესის არც მფლობელია, არც მშენებელი კომპანია.