გახარია ამბობს, რომ სოსო ჯაჭვლიანის ემოციურ გამონათქვამებზე სერიოზულ კომენტარს არ გააკეთებს

საქართველოს პრემიერ-მინისტრმა გიორგი გახარიამ „ქართული ოცნების“ ყოფილი დეპუტატის სოსო ჯაჭვლიანის განცხადებაზე კომენტარისგან თავი შეიკავა. „როდესაც სპეციალურ ღონისძიებაზე, პანდემიაზე, ეკონომიკურ კომპონენტზე, საკითხი აღარ გაქვთ...“ - ასე უპასუხა ფოთში ჯაჭვლიანის შესახებ დასმულ შეკითხვას გიორგი გახარიამ და დაამატა, - „რა პრეტენზიითაც არ უნდა მიდიოდეს ბატონი სოსო ჯაჭვლიანი, მე მის მსგავს ემოციურ გამონათქვამებზე სერიოზულ კომენტარს არ გავაკეთებ“. სოსო ჯაჭვლიანმა მმართველი პარტიის დატოვების შესახებ 26 ოქტომბერს ილაპარაკა „მთავარი არხის" ეთერში.