ცესკომ თვითიზოლაციაში მყოფთა რეგისტრაციის ვადა კიდევ 4 საათით გაახანგრძლივა

ცესკომ თვითიზოლაციაში მყოფთა რეგისტრაციის ვადა კიდევ 4 საათით, 27 ოქტომბრის 18:00 საათამდე გადაწია. კომისიამ ნაწილობრივ დააკმაყოფილა "ევროპული საქართველოს" მოთხოვნა, რომელიც ამ ვადის გახანგრძლივებას 22:00 საათამდე ითხოვდა. გადასატან ყუთზე რეგისტრაცია გუშინ, 26 ოქტომბერს საღამოს, 22:00 საათზე უნდა დასრულებულიყო. ვადა გუშინდელი გადაწყვეტილებით 4 საათით, დღევანდელი გადაწყვეტილებით კი კიდევ 4 საათით გახანგრძლივდა. რადიო თავისუფლებამ სცადა ცხელ ხაზზე დარეკვა. რამდენიმეწუთიანი მოცდის მიუხედავად, ოპერატორთან დაკავშირება ვერ მოხერხდა.