Къилбаседа ХIирийчоь: хIусаман метр – дешин меха

Лидовская Анастасия Массанхьа а санна, нехан эца таро хинйолу хIусамаш ян гIерта ша, боху Къилбаседа ХIирийчоьнан Iедало. Амма дина девллачу цIенош чуьрчу хIусамийн мехаш бу да ваххол – ца эцало уьш нахе. Тхов боцу бахархой уггаре дукха болучех ю республика. Банкаша лучу ипотекех уггаре кIезиг ял йоккху мохк а бу ХIирийчоь. Ишта доллушехь а, деса лаьтта дина девлла цIенош - ипотека йорах хиларх ца тоьу, хеннахь цуьнан дакъош банкашка дIа ца делча туху гIуданаш даккхий хилча, ткъа ипотекин гIуданаш тIехьаьрчина бу вуно дукха нах.