Андрэй Янушкевіч не выйшаў з ізалятара на Акрэсціна

Няпярэдадні ўвечары павінен быў завершыцца адміністрацыйны арышт выдаўца Андрэя Янушкевіча. З ізалятара на Акрэсціна ён так і не выйшаў. Пра афіцыйную прычыну таго, чаму выдаўца ня выпусцілі, улады не паведамілі.

Андрэя Янушкевіча і Насту Карнацкую затрымалі пасля ператрусу ў кнігарні «Кнігаўка», якую выдавецтва «Янушкевіч» адкрыла 16 траўня. Дырэктару кнігарні Янушкевічу прысудзілі 10 дзён адміністрацыйнага арышту, а працаўніцы кнігарні Карнацкай — 13 дзён. Андрэй Янушкевіч мусіў выйсці на волю 26 траўня.