Зміцер Бартосік: Маем час паслухаць аўдыёкнігі

Вядомы бард, пісьменнік і журналіст Зміцер Бартосік пачаў удзельнічаць у стварэнні аўдыёкніг.

За апошні час ён начытаў кнігі: Уладзіміра Арлова „Танцы над горадам”, Вінцэся Мудрова „Забойца анёла” і Адама Глобуса „Сям’я”.

„Гэта праца адмысловая, кожную кнігу, якую начытваеш, перажываеш як уласны лёс”, – кажа Зміцер Бартосік:

– Калі ты начытваеш кнігу і робіш некалькі дубляў, а пасля выбіраеш найбольш удалы кавалак, які табе падабаецца, ты пачынаеш гэтай кнігай жыць ва ўсіх сэнсах.