Rüşvətə görə həbs olunan polkovniki məhkəmə azadlığa buraxdı

Bakı Baş Gömrük İdarəsinin Gömrük prosedurları və ödənişləri şöbəsinin böyük inspektoru, həbsdə olan polkovnik-leytenant Namiq Əsədov məhkəmə zalından azadlığa buraxılıb. Bakı Ağır Cinayətlər Məhkəməsində noyabrın 13-də çıxarılan hökmlə ona şərti cəza verilib. N.Əsədov 350 manat rüşvət almaqda suçlanaraq həbs edilmişdi. CM-in 311-ci (rüşvət alma) maddəsi ilə ittiham olunan N.Əsədov üçün prokuror 5 il həbs cəzası istəmişdi. İddia olunur ki, N.Əsədov «Bakı yük» MMC-nin meneceri Rüfət Əliyevdən rüşvət alıb.