Valideyn alimenti ödəmirsə...

Şair-publisist Murad Köhnəqalanın həbsi ölkədə aliment problemini yenidən gündəmə gətirib. Aliment ödənişi ilə bağlı məhkəmə qərarlarının icrasında ciddi problemlər var. Bunu hökumət rəsmiləri də təsdiqləyir. Bir müddət öncə Milli Məclisin ailə, qadın və uşaq məsələləri üzrə komitəsinin sədri, deputat Aqiyə Naxçıvanlı da bu sahədə statistikanın qorxulu olduğunu bildirmişdi: "Bəli, alimentlərlə bağlı həddindən çox problem müşahidə olunur. Alimentləri ödəmirlər, maaşı gizlədirlər, aliment ödəməli olan şəxsi axtarıb tapmaq olmur.