Уңыш өчен көрәштә Тәтеш җиңде, ә баулылар җиңелде: Татарстанда урып-җыюга йомгак ясалды

Быелгы һава торышы Татарстан игенчеләрен шактый сынады. Май кыраулары аркасында 3 мең гектарда көзге культураларны яңадан чәчәргә туры килде. Июльдә, үсемлекләр чәчәк аткан чорда, басуларда корылык булса, август башында 2 атна дәвамында яңгырлар яуды.

– Уңайсыз һава шартлары аркасында 10 проценттан артык уңыш югалды. 300 мең тоннага якын продукция алына алмады, – дип сөйләде Министрлар Кабинетында узган урып-җыю кампаниясе йомгакларына багышланган брифингта Татарстан Республикасы вице-премьеры...