Цирк юлдузи ғаройиб рекорд ўрнатди: аёл 25 дақиқа сочига осилган ҳолда ҳавода муаллақ турди!

Инсон қобилиятларининг чексизлигига яна бир бор гувоҳ бўлдик. АҚШнинг Калифорния штатида жойлашган машҳур Редвуд миллий боғида цирк актрисаси Лейла Нун ўзининг ғайриоддий маҳорати билан дунё рекордини янгилашга эришди. 39 ёшли актриса сочига осилиб, ҳавода 25 дақиқа давомида муаллақ туриш орқали Гиннеснинг рекордлар китобига киритилди.

Бу ажойиб натижа олдинги рекорддан анча юқори бўлди. Маълумот учун, ушбу йўналишдаги аввалги рекорд натижаси 2011 йилда австралиялик Сутакаран Сивагнанатураи томонидан ўрнатилган эди.