Республиканың барлык районнарында Татарстан Дәүләт флагы көне уңаеннан чаралар узачак
Иртәгә, 29 ноябрьдә, республиканың барлык районнарында Татарстан Дәүләт флагы көне уңаеннан чаралар узачак.
Аерым алганда, Татарстан башкаласында «Казан» Гаилә үзәге янында «Бердәм Россия Яшь гвардиясе» вәкилләре студентлар, иҗтимагый оешма активистлары һәм шәһәрнең гади гражданнары белән берлектә 50х25 метр үлчәмле Татарстан Республикасы флагын җәячәк.
Моннан тыш, көн дәвамында Татарстанның барлык муниципаль районнары һәм шәһәр округларында да ТР дәүләт флагы төсләрендәге тасмалар таратырга ниятлиләр.
Заголовки