Татарстан Милли китапханәсендә кытай, инглиз, корея телләре буенча мастер-класслар узачак

ТР Милли китапханәсендә февраль аенда телләр буенча мастер-класслар сериясе узачак. Аларга бушлай кереп була, дип хәбәр итә ТР Милли китапханәсе.

Кытай теле буенча беренче дәрес 5 февральдә узачак. Катнашучылар фонетика, төп сүзтезмәләр, тизәйткечләр һәм мемнар өйрәнәчәк.

Инглиз теле буенча киләсе мастер-класс 19 февральгә планлаштырылган. Дәрес дөньядагы иң яхшы һәм иң начар уйлап табуларга багышланачак.

Тел дәресләре сериясен корея теле буенча мастер-класс тәмамлый. Ул 26 февральдә узачак.