Türkmen lideri ABŞ senatory bilen hyzmatdaşlygy maslahatlaşdy

Türkmenistanyň prezidenti Serdar Berdimuhamedow 25-nji noýabrda ABŞ Senatynyň Energetika we tebigy serişdeler boýunça komitetiniň agzasy, senator (Montana ştatyndan) Stiw Deýnsi kabul etdi. “Watan” habarlar programmasy bu duşuşykda howanyň üýtgemegi bilen bagly meseleleriň ara alnyp maslahatlaşylandygyny habar berdi. Söhbetdeşlikde Türkmenistan bilen Birleşen Ştatlarynyň arasynda, hususan-da, söwda, maýa goýum we howanyň üýtgemegine garşy göreşmek babatda ikitaraplaýyn gatnaşyklary berkitmäge aýratyn üns berildi.