Lukmanlar 'möhleti geçip barýan, arzanladyşa degişli dermanlary geçirmäge çalyşýar' - ýerli ýaşaýjylar

Türkmenistanyň käbir sebitlerinde maşgala lukmanlarynyň döwlet dermanhanalaryndaky arzanladyşa degişli dermanlary 'geçirmek synanyşyklary' ýygjamlaşyp başlady. Azatlyk Radiosynyň habarçysy paýtagt Aşgabatda we Lebap welaýatynda şeýle tagallalaryň has giň ýaýbaňlanýandygyny habar berýär. Ýurt ýaşaýjylary bu sebitlerde maşgalala lukmanlarynyň saglyk şikaýatlary bilen saglyk öýlerine ýüz tutýan çem gelen adama döwlet dermanhanalaryndaky ätiýaçlandyryşa girýän dermanlary köp-köpden ýazyp bermäge çalyşýandyklaryny aýdýarlar.