Kilaj dhe Kuçi deklarohen të pafajshëm para Gjykatës Speciale

Ish-ministri i Drejtësisë i Kosovës, Hajredin Kuçi, dhe ish-kryetari i Malishevës, Isni Kilaj, janë deklaruar të pafajshëm për akuzat me të cilat përballen, në paraqitjet e tyre të para, të ndara, para Gjykatës Speciale të hënën. Kuçi përballet me dy akuza për mosbindje ndaj gjykatës, ndërsa Kilaj akuzohet për ndikim mbi dëshmitarët. Pala mbrojtëse ka thënë se nuk do të tentojë të bindë gjykatësen pse ka gabuar që ka kërkuar arrestimin e Kilajt, por ka shtuar se Kilaj ka treguar se është kandidat i mirë për lirim me kusht.