Policia sekuestron mbi 100 kg marihuanë

Policia e Kosovës (PK) njoftoi se të dielën mbrëma ka sekuestruar 107 kilogramë substancë narkotike të dyshuar të llojit marihuanë. Sipas njoftimit të PK-së, një kamion me targa të huaja, që drejtohej nga shtetasi serb, M.P., u ndalua në terminal doganor, ku gjatë kontrollit, në dy rezervuarët e derivateve i janë gjetur 101 paketime të plastikës me marihuanë. "Në cilësi të provave janë sekuestruar: një telefon, një GPS, disk diagrami i tahografit, kamioni, 95 euro dhe 2.500 dinarë", thuhet në njoftim.