حکومت وايي پر پوځ یې د نیوکو پر سر د یوشمېر بهر مېشتو پاکستانیانو شناختي کارډونه بند کړي دي
د پاکستان حکومت منلې چې د یوشمېرهغو بهر مېشتو پاکستانيانو شناختي کارډونه یې بند کړي دي چې پر ټولنیزو رسنيو پر "پوځ نیوکې" کوي.
د اطلاعاتي او خپرونو چارو وفاقي وزیر عطاالله تارړ د ډېسېمبر پر ۱۰مه په اسلام اباد کې خبريالانو ته وويل، په دې اړه د حکومت تګلاره واضحه ده چې د امنيتي ځواکونو پر ضد خبرې نه شي زغملای.
نوموړي له وضاحت او شمېرو ورکولو پرته وويل چې حکومت د ګڼو بهر مېشته پاکستانيانو پاسپورټونه، شناختي کارډونه او د ټولنیزو شبکو حسابونه (اکاونټونه) په تور لېسټ کې اچولي او پر نورو هم نظر ساتي.
Заголовки