ولکر تُرک: د بشارالاسد د رژيم سقوط سوريه کې د سياسي انتقال په اړه خبرو ته زمينه برابره کړه
د ملګروملتونو د بشري حقونو کمېشنر وايي، د بشارالاسد د رژیم نسکورېدلو، په دغه هېواد کې د سیاسي انتقال په اړه هراړخیزو خبرو ته زمینه برابره کړې ده.
ولکر تُرک نن په جنیوا کې په یوه کنفرانس کې وویل، هیلهمن دی، چې اوسنی وضعیت د هراړخیزو خبرو لپاره لار خلاصه کړي، ځکه د ده په وینا د دې کار لپاره لوی فرصت برابر شوی دی.
ترک دغهراز په سوریه کې د تېرو جنایتونو په اړه د حسابکتاب او د دقیقو شواهدو د خوندي کېدو غوښتنه وکړه.
د بشارالاسد رژیم پرون یکشنبه ړنګ شو او د هیئت تحریرالشام ډلې په مشرۍ یاغیانو پر قدرت ولکه ټینګه کړه.
Заголовки