افغانستان لپاره د ايران نوی سفير: افغان کډوال د درناوي وړ دي؛ کډوال: د ايران حکومت مو ځوروي

په‌داسې حال کې چې افغانستان لپاره د ایران نوي ټاکل شوي سفیر ویلي، افغان قانوني کډوال دوی ته د درناوي وړ دي، په ایران کې یوشمېر افغان کډوال وايي، سره له‌‌‌دې چې قانوني اسناد لري، خو بیا هم ځورول کېږي او ان له پولې را اړول کېږي. د ایران په اصفهان کې اوسېدونکی افغان حفیظ‌‌‌‌‌الله نایب وايي، ډېری افغان کډوال له قانوني اسنادو سره سره له پولې اړول کېږي، په خبره يې داسې چې ښځې یې ایران کې پاتې شوي خو نارینه او ماشومان یې شړل شوي دي. هغه ازادي راډيو ته وويل: "دوی خلک داسې نیسي، مثلًا که نارینه نیسي او...