د بشري حقونو څار سازمان: له افغان ښځو سره روان تشدد تنظیم شوی او سیستماتیک دی

د ښځو په وړاندې د تاوتریخوالي د مخنیوي ۱۶ ورځنی نړیوال کمپاین په پیل سره د بشري حقونو د څار سازمان (هیومن‌رایټس‌واچ) ویلي، د طالبانو تر واکمنۍ لاندې د افغان ښځو او نجونو وضعیت لا هم د نړۍ پاملرنې ته اړتیا لري. دغه سازمان پرون دوشنبه د (نومبر ۲۵ مه) په یو راپور کې ویلي، په افغانستان کې له ښځو او نجونو سره روان تشدد تنظیم شوی او سیستماتیک دی. په راپور کې راغلي دي، طالبان نارینه هم مجبوروي چې د ښځو په برخه کې د طالبانو اوامر پرځای کړي او د بېلګې په توګه یادونه شوې چې، که یوه ښځه د طالبانو پر ضد...