هرات کې ښځينه کافو ته د طالبانو خبرداری؛ د کافو څښتنانې مېرمنې يې اندېښمنې کړي دي

په هرات ولایت کې د ښځو لپاره د ځانګړو کافو ځینې مالکانې ادعا کوي چې، طالبانو د دغه کافو د تړلو په اړه خبرداری ورکړی دی. په هرات ولایت کې د یوې ښځینه کافې مالکه چې نه‌غواړي نوم او اصلي غږ يې په راپور کې خپور شي وايي، د طالبانو له بیا واکمنۍ او د پوهنتونونو له تړلو وروسته یې په شخصي لګښت دغه کافه جوړه کړې چې د ښځو لپاره د عاید یوه سرچینه وي. هغه وايي: "ما د دغه کافې د جوړلو لپاره ۱۵ لکه افغانۍ ولګولې، مخکې د معالجوي طب محصله وم چې له بده‌‌مرغه د پوهنتونو له تړل کېدو وروسته ډېره ناهیلې شوم او...