لسګونه روسي او اوکرايني بنديان له تبادلې وروسته خپلو کورونو ته ستانه شول
په لسګونو اوکرایني او روسیي جنګي زندانیان نن خپلو کورونو ته ستانه شول، د دواړو هېوادو چارواکو خبر ورکړ چې دا کسان تبادله شول.
د اوکراین د ولسمشر سلاکار اندري یارماک په تیلګرام کې لیکلي دي چې، یو سل او شپاړس اوکراینیان ازاد شول.
د ښاغلي یارماک په وینا په دې خوشې شویو اوکرایني سرتېرو کې یو شمېر د ماریوپل د جګړې دي چې تر میاشتې میاشتې په دغه جنوبي بندري ښار کې محاصره وو او روسانو دا ښار په ویرانه بدل کړ.
همدا راز په دوی کې د خرسون د جګړې چریکان دی او یو شمېر هغه نښه ویشتونکي دي چې د جنوبي ښار باخموت د سختې جګړې پر مهال نیول شوي وو.
Заголовки