امینه محمد: افغان ښځې د کسب او کار د مشرۍ وړتیا لري
د ملګرو ملتونو د سرمنشي مرستیاله امینه محمد وایي، افغان ښځې کولای شي کسب او کارونه رهبري او په خپلو وړتیاو او نوښتونو سره ټولنې ته خدمت وکړي.
مېرمن محمد تېره شپه د سلواغې لسمه په یوه ټویټ کې وویل، افغان ښځې حق لري چې کاري فضا کې ونډه ولري.
نوموړې دا څرګندونې وروسته له هغه کوي چې تېره اونۍ یې افغانستان ته په سفر کې په کابل او کندهار کې له طالب چارواکو سره ولیدل.
مېرمن محمد پر ښځو د طالبانو د کاري او تعلیمي بندیز د لرې کولو لپاره کابل ته سفر کړی و، خو تراوسه طالبانو په رسمي ډول خپلو پرېکړو کې کوم نرمښت نه دی ښودلی.
Заголовки