Gravferdsbyrå i USA erkjenner likskjending

I USA tilstår eit gravferdsbyrå at dei har stabla 190 lik i romtemperatur og gitt pårørande betongpulver i urnene, melder AP. I fjor meldte naboar av byrået om stank frå ein forfallen bygning i ein liten by i Colorado. Styresmaktene fann 190 lik plassert oppå kvarandre i bygninga – fleire av dei var ikkje til å kjenne att. Lufta der skal ha vore så giftig at ein måtte bruke beskyttelsesutstyr. Eigarane av gravferdsbyrået skal ha brukt kundanes pengar på flotte bilar, reising og luksusgjenstandar, ifølge tiltalen.