Не е прифатен предлогот на ССМ за зголемување на минималната плата

Не е прифатен предлогот на Сојузот на синдикати на Македонија за зголемување на минималната плата на 500 евра. Како што изјави претседателот на ССМ, Слободан Трендафилов, по денешната седница на Економско социјалниот совет, тие дури биле опоменати затоа што бараел многу. „За жал големо разочарување, нема изгледи за зголемување на минималната плата. Тоа што го слушнавме внатре е дека ССМ многу барал, дека работниците многу бараат и дека им е доста, дека со тие плати треба да бидеме среќни што ги добиваме“, изјави Трендафилов.