Протест во Нови Сад, се бара одговорност за смртта на 15 лица на железничката станица

Под слоганот „Рацете ви се крвави“, граѓани и активисти се собраа на 8 декември пред Градското собрание на Нови Сад на уште еден протест на кој бараат одговорност за смртта на 15 лица по падот на настрешница на железничката станица во Нови Сад на 1 ноември.  Протестот започна симболично во 11:52 часот, време кога се урна настрешницата.  Насобраните го обоија влезот на Собранието со црвена боја и оставија отпечатоци од „крвави раце“, што станаа симбол на протестите со кои се бара одговорност од властите за падот на настрешницата.