Трамптын атайын өкүлү Стив Уиткофф Москвага барды

АКШнын президенти Дональд Трамптын Жакынкы Чыгыш боюнча атайын өкүлү Стив Уиткофф Россияга келди. Бул тууралуу алгач Axios басылмасы өз булагына жана FlightRadar24 кызматынын маалыматтарына таянып кабарлады. Кийинчерээк бул маалыматты Кремлдин басма сөз катчысы Дмитрий Песков ырастады. Уиткофф Орусиянын президенти Владимир Путин менен жолугушуусу мүмкүн. "Эгерде Путин Уиткофф менен жолукса, Кремль бул тууралуу маалымат берет", – деп билдирди Песков. Бул Уиткофф менен Путиндин үчүнчү жолу жолугушуусу болот.