Министрликтердин сатыкка коюла турган имараттарынын тизмеси түзүлөт

Бишкекте министрликтер менен ведомстволордун сатыкка чыгарыла турган имараттарынын тизмеси түзүлөт. Бул тууралуу президент Садыр Жапаров 6-декабрда кол койгон жарлыкта айтылат. Ушул эле жарлыкта алардын баасын аныктоо үчүн көз карандысыз баалоону ишке ашыруу керектиги жазылган. Алар Министрлер кабинети менен инвестордун ортосунда түзүлгөн келишим менен түз сатылышы мүмкүн. Ушул тапта айрым министрликтер жайгашкан имараттар тарыхый-маданий мурас объектилерине кирет. Алар мамлекет тарабынан корголот...