Лукашенко 29 кишиге ырайым берди, жүздөгөн саясий туткундар абакта отурат

Беларустун авторитардык лидери Александр Лукашенко “экстремисттик багыттагы” кылмышка айыпталган дагы 29 кишинин айыбын кечти. Арасында 11 аял жана 18 эркек киши бар, алтоо 25 жашка чыга элек, үчөө пенсионер, экөөнүн майыптыгы бар, 15и өнөкөт ооруга чалдыккан. Лукашенконун кеңсеси тараткан маалыматта алардын бардыгы кылган ишине өкүнгөнүн айтып, ырайым сурап кайрылганы белгиленген. Бошотулгандардын аты-жөнү аталган жок. Бул тизмеде белгилүү активисттердин бар-жогу азырынча белгисиз. Маалыматтарга караганда...