Lawyers for Lawyers уюму кыргыз бийлигин Матцаковду бошотууга чакырды

Lawyers for Lawyers уюму жана Англия менен Уэльстин юристтер коому Кыргызстанда адвокат Самат Матцаковдун кармалышына тынчсыздануусун билдирди. Биргелешкен билдирүүдө Самат Матцаков саясий өңүтү бар иштерде жактоочулук кылып, сотто журналисттердин укугун коргоп келатканы, ага козголгон иш адвокаттык ишмердиги менен байланыштуу экени айтылат. Алар кыргыз бийлигин Самат Матцаковду токтоосуз бошотууга чакырып, ишенимдүү далилдер келтирилбесе ага коюлган бардык айыптарды алып салуу керек экенин билдирди.