"Цефтриаксон" сайгандан кийин анафилактикалык шок болгон тогуз адам катталды

Кыргызстанда быйыл жыл башынан бери антибиотик сайгандан кийин аллергиялык реакциянын айынан анафилактикалык шок абалга кептелген тогуз адам катталганын бүгүн 3-февралда Саламаттык сактоо министрлиги билдирди. Мекеменин маалыматына караганда, алардын бири өзүнө келе албай каза болгон. Териштирүү жүргүзгөндө мындай реакция “Цефтриаксон” дарысын (Индия, Өзбекстан, Улуу Британия, Кытай, Египет, Түркия, Орусия өлкөлөрүндө өңдүрүлгөн) көпчүлүк учурда үй шартында сайгандан кийин пайда болгону аныкталган.