Пакистанда мечиттеги жардырууда 70 киши жараат алды
Пакистандын Пешавар шаарында 30-январда көп адам намазга чогулган мечитте жардыруу болду. Полициянын расмий өкүлү Искандар Хан имараттын бир бөлүгү урап, анын астында бир нече адам калганы болжолдонуп жатканын айтты.
Пешавардагы "Леди Рединг" ооруканасынын басма сөз катчысы Мохаммад Асим 70 киши жараат алганын, айрымдарынын абалы оор экенин билдирди.
Жардырууга азырынча эч ким жоопкерчилик ала элек.
Өлкөдө бийлик менен “Техрик-и Талибан Пакистан” кыймылынын ортосунда тиреш күчөп, түрдүү чабуулдар болуп жатат.
Заголовки