Нукуста көп кабаттуу үйдөгү жарылууда кеминде беш киши көз жумду
Нукус шаарындагы көп кабаттуу үйдө газ түтүгү жарылып, бери дегенде беш киши көз жумду.
Өзбекстандын Өзгөчө кырдаалдар министрлиги билдиргендей, 29-январда кечке жуук төрт кабаттуу үйдөгү кырсыктан улам турак жайдын чатыры кулаган. Бир нече киши ооруканада жатат. Арасында беш жаштагы кыз да бар.
Газ түтүгү жарылган үйдүн жашоочулары эвакуацияланып, азык-түлүк менен камсыздалды.
Нукус - Өзбекстандын курамындагы Каракалпакстан автономдуу республикасынын борбору.
Заголовки