Ломбардтағы қарыз банктік несиеге кедергі бола ма?

Қазақстанда әрбір екінші адамның мойнында несие бар. Халық екінші деңгейлі банктердің және микроқаржылық ұйымдардың қызметіне жиі жүгінеді. Дегенмен осы тұста микроқаржылық ұйымдардың қатарына кіретін ломбардтан алған несие, несие тарихына әсер ете ме? Бұл сұрақтың жауабын Қазақстан Республикасының Қаржы нарығын реттеу және дамыту агенттігі берді, - деп хабарлайды Massaget.kz. Ломбардтан алынған қарыз несие немесе ипотека рәсімдеуге тікелей кедергі келтірмейді. Бірақ ол несие мақұлдануына әсер етуі мүмкін.