Қайтарылған активтерден тағы 1,2 миллиард теңге қайда жұмсалатыны белгілі болды

Үкімет қайтарылған активтердің 1,2 миллиард теңгесін қайда жұмсайтыны белгілі болды, - деп хабарлайды Tengrinews.kz тілшісі. Үкімет Ұлытау облысы Жаңаарқа ауданы Мыңадыр стансасында 80 орындық мектеп салуға 1,2 миллиард теңгеден аса қаражат бөлу туралы шешім қабылдады. Жұмыс істеп тұрған мектеп осы аймақтағы жалғыз білім беру мекемесі болып саналады. Ғимарат 1981 жылы салынды, 2000 жылдары қосымша кеңейтілді. Бүгінгі таңда мектеп шамадан тыс толған: жобадағы 60 орынның орнына мұнда 123 оқушы оқып жатыр.