ბახმუტის დამცველი უკრაინელი ოფიცრის ცნობით, ქალაქში მძიმე სიტუაციაა
უკრაინის დონეცკის ოლქის ქალაქ ბახმუტში ქუჩის ბრძოლები გრძელდება. ამის შესახებ რადიო თავისუფლების(RFE/RL) რუსულენოვან ტელეარხ Настоящее Время-ს უთხრა ბახმუტში მებრძოლი ერთ-ერთი უკრაინული ქვედანაყოფის მეთაურმა დენის იაროსლავსკიმ. მისი შეფასებით, ბახმუტში ობიექტურად მძიმე სიტუაციაა.
უკრაინელი ოფიცრის განცხადებით, მტერმა დაიკავა ქალაქის სამრეწველო ზონა და მდინარის გასწვრივ მდებარე კერძო სექტორი და ახერხებს ფრონტის მცირე მონაკვეთების გარღვევას. იაროსლავსკის ინფორმაციით, ამჟამად ბახმუტს რუსეთის რეგულარული ჯარები უტევენ.
Заголовки